Досега во светот има три имиња на списокот на масовни убијци помлади од 14 години кои зад себе оставиле најмалку четири жртви.

Во 2019 година, Кајл Олвуд убил пет членови од своето семејство кога ја запалил семејната куќа во Илиноис, САД. Во тоа време тој имал само 9 години.

Во 1998 година, во друштво на соучесникот Мичел Џонсон (13), Ендрју Голден (11) убил четворица ученици и наставник во средно училиште во Арканзас и рани 10 други.

Бразилецот Марсело Едуардо Бово (13) убил четири лица во Сао Паоло во 2013 година, а потоа се самоубил.

На оваа листа би можела да се најде и Германката Ајда Шел (13), која убила шест бебиња во Минхен во 1907 година. Сепак, таа убивала подолг период, па повеќе спаѓа во категоријата сериски убијци отколку масовни убијци.

Иако секое од овие злосторства е ужасно само по себе, сите тие се бледи во споредба со масакрот што Коста Кецмановиќ го изврши вчера.

Инаку, последното масовно злосторство од оваа големина на лице кое е барем приближно на возраст од седмоодделенецот од Белград се случило пред 65 години во САД.

Во 1968 година, девојката Керил Ен Фугејт, една година постара од Коста Кецмановиќ во времето на злосторството, убила 11 лица заедно со Чарлс Старкведер (19). По апсењето, таа станала најмладата жена во историјата на САД на која и се судело и била осудена за најтешката форма на убиство. Таа била осудена на доживотен затвор, но била условно ослободена во 1976 година.

Но, и ова грозоморно злосторство не може да се спореди со вчерашниот кошмар во Белград, бидејќи тоа го извршиле двајца заедно, за разлика од вчерашното во Белград, зад кое стоеше само едно момче.