Чајот од камилица, особено во комбинација со мед, е исклучително ефикасен за многу здравствени проблеми и има бројни придобивки за нашето здравје. Никогаш не го давајте на бебе пред да се консултирате со педијатар, а постојат уште некои групи на луѓе кои треба да бидат внимателни.

Кај кои состојби помага чајот од камилица?

Овој пијалaк, кој се користи со векови, го смирува иритираното грло и помага во намалување на кашлањето. Кај хемороидите, до израз доаѓаат антивоспалителните својства на камилицата. Камилицата некои ја нарекуваат и „женско“ растение, бидејќи е блага и може да се користи и за надворешна и за внатрешна нега на интимната регија.

Благотворна е за смирување и канализирање на стресот, што помага во регулирање на нивото на крвниот притисок и намалување на анксиозноста. Чајот од камилица е добар за дигестивниот систем (варењето) и за спречување на запек, но и за дијареја (важно е да се консумира само во умерени количини). Камилицата добро делува и на смирувањето на уринарните инфекции.

Дали чајот од камилица е безбеден за давање на бебиња?

Иако многумина им даваат чај од камилица на бебињата, тој не се препорачува без претходна консултација со педијатар. Доколку лекарот се согласи со употребата на чајот од камилица и даде препорака, чајот од камилица за бебиња може да ја ублажи грчеви и да ги намали симптомите на настинка. Меѓутоа, камилицата може да содржи спори на ботулизам, а на овој тип на инфекција бебињата и доенчињата не можат соодветно да реагираат, бидејќи сè уште немаат стабилен имунолошки систем.

Следниве групи луѓе треба да бидат претпазливи со користењето чај од камилица:

– луѓе со тешки алергии

– луѓе алергични на амброзија, невен, хризантема (некои студии потврдија дека кај нив камилицата може да предизвика дури и анафилактичен шок)

– луѓе со историја на дури и благи алергиски реакции на камилица или сродни растенија

– пациенти на терапија со лекови за разредување на крвта на трудници (некои студии велат дека честото консумирање чај од камилица може да го зголеми ризикот од предвремено породување или спонтан абортус, па затоа се советува да се избегнува)

Можни се симптоми на анафилактичен шок поради употребата на камилица

Анафилакса е тешка алергиска реакција и потенцијално опасна по живот состојба. Симптомите се развиваат ненадејно и може да вклучуваат:

– отекување на лицето или устата

– забрзано, плитко дишење

– нарушено (забрзано) чукање на срцето

– зголемено потење и лепливост на кожата

– конфузија или анксиозност

– вртоглавица

– гадење

– повраќање

– помодрени или побелени усни

– несвестица или губење на свеста