Доколку министерката за образование Мила Царовска одлучила дека треба да се повлече и да не биде дел од новата влада, претпоставувам во координација со новиот мандатар, тоа е нејзина одлука и ние ќе ја поддржиме, вели пратеникот од СДСМ, Ненад Коциќ во гостувањето на емисијата „Само вистина“, зборувајќи за најавата на Царовска за повлекување од ресорот образование и наука.

Според него, имаме бурна година и половина како позиција во парламентот од аспект на образованието.

-Сметам дека имаше позитивни промени кои што некои моменти беа пренесувани во јавноста како недоволно точно, меѓутоа промените кои започнаа во насока на Кембриџ системот се апсолутно позитивни. Имаме лош образовен систем кој треба да се менува, потенцира Коциќ.