Холанѓаните се познати ширум светот по дрвените кломпи, но реткото откритие на 500 години стари кломпи во градот Алкмар покажа колку некогаш била раширена употребата на такви обувки.

„Ова е многу значајно откритие на традиционалните обувки, бидејќи кломпите се поврзани со холандските фармери. Овој пар, стар 500 години, докажува дека кломпите се користеле и во урбаните подрачја“, изјави археологот Силке Ланге, а пренесува „Ројтерс“.

Дрвените кломпи, стари половина милениум, беа пронајдени минатиот месец во стара септичка јама, откриена за време на изградбата на подземен контејнер за отпад во градот Алкмар, на околу 30 километри северозападно од Амстердам.

Кломпата, чија големина одговара на бројот 36 според европските стандарди, најверојатно е направена кон крајот на 15 или почетокот на 16 век.

Досега, археолозите од Холандија и Белгија пронајдоа вкупно 44 антички примероци на обувки, но ова е првпат меѓу нив да најдат кломпи направени од бреза.

Dutch discover rare 500-year old wooden shoe https://t.co/Bsv2C94Rna pic.twitter.com/KFVsUEMNIm

— Reuters (@Reuters) December 23, 2024