Клатенбург кој моменто работи во Кина изнесе неколку предлози со кои би се подобрила употребата на ВАР во Премиер лигата.

– Да се тргнат одлуките за офсајд од ВАР процесот. Треба да се вратиме на основите и да им дозволиме на линиските судиите да покажуваат кога е офсајд.

– Мора точно да се знае кога се користи ВАР технологијата. Во последното коло, Енди Керол беше сеоборен во шеснаесетникот на Евертон и тоа да се случеше на било кој дел од теренот, ќе беше слободен удар. Вака ВАР не беше консултиран бидејќи прекршокот не беше за пенал. Затоа мислам дека е потребна подобра дефиниција за тоа што е јасна и очигледна ситуација во која се користи ВАР.

– Премиер лигата треба да им дозволи на капитените на екипите на секој натпревар да имаат право сами да побараат „челенџ“, односно да се проверат евентуалните спорни моменти од натпревари.

– Судиите мора сами да почнат да ги прегледуваат снимките, а не да чекаат од контролната соба да ги информираат, мора сами да ја преземат одговорноста за своите одлуки.

– Последниот предлог е да им се овозможи на навивачите на стадионите да можат да ја слушнат конверзацијата помеѓу главниот судија и судијата во контролната соба кој ги прегледува спорните моменти.