Семи Шин, ќерката на актерот Чарли Шин, откри дека повеќе не зборува со својот татко. Таа отворено проговори зошто ги прекинала сите контакти со славниот актер и колку време не разговараат.

– Речиси една година не сме разговарале на телефон, а не се допишуваме повеќе од шест месеци. Беше доста зафатен, па веќе не бевме толку блиски. Но, бев навистина фрустрирана кога го оперирав носот затоа што не можеше ниту да ми се јави или да направи било што друго, да види дали сум добра – признала Семи.

Иако вели дека операцијата не била тешка, таа додала дека сепак очекувала поддршка. Таа понатаму објаснила дека кога актерот и испратил порака еден ден подоцна, нивниот разговор брзо прераснал во расправија, поради што решила да се дистанцира од нејзиниот татко.

Семи откри дека го блокирала Чарли затоа што, како што тврди таа, „ѝ праќал луди работи“.

– Морав да му ја блокирам електронската пошта, но тој земал нов број за Божиќ па ми прати пораки и од таму, но јас го блокирав и тој број. Морав да му кажам: „Никогаш повеќе не контактирајте со мене бидејќи ова е лудост“.

Додека се гостуваше во поткастот „Кежуал Хаос“ (Casual Chaos), таа зборуваше и за тоа како нејзиниот однос со актерот се разликува од оној што нејзината сестра Лола Шин го има со него.

– Тој и Лола се многу блиски. Секогаш оди кај неа. Мислам дека не сака да се меша во нашите караници и слични работи. Често ми вели: „Имаш само еден татко, треба да му пишеш“. Се разбира, дека така ќе вели кога не знае какви пораки ми испрати тој – изјави Семи.

Напомена дека таа и Лола се многу различни, но дека не ја обвинува.

– Понекогаш е полесно само да не се справуваш со работите – верува наследничката на Шин.

Лола пак неодамна проговори за блискоста со Чарли, што ја опиша како благослов.

– Мојот однос со татко ми дефинитивно е подобрен. Почнавме да одиме заедно да одиме на педикир на секои две или три недели и тоа е нашата омилена работа што ја правиме заедно. Во моментов сме блиски – изјави Лола на почетокот на април.

Да потсетиме, Дениз Ричардс и Чарли Шин беа во брак од 2002 до 2006 година. Тие заедно имаат две ќерки – Семи, која е родена во 2004 година и Лола, која е родена во 2005 година.