Денеска од 20.45 часот во Битола во спортската сала „Боро Чурлевски“ во шестото коло во ракометната Лига на шампионите Еурофарм Пелистер ќе го пречека Кјелце од Полска.

По пет одиграни натпревари актуелниот македонски првак останува единствениот без триумф во групата „А“.

Екипата повеќе не ја води Александар Јовиќ, додека Звонко Шундовски сам си поднесе оставка. Привремен тренер во наредниот период ќе биде Бранко Ангеловски.

Составот на Еурофарм Пелистер за натпреварот против Кјелце: Лесјак, Гедбане, Цехте, Кузмановски, Тајник, Кисум, Борзаш, Танкоски, Радивојевиќ, Костески, Нилсен, Петровиќ, Василев, Пешевски, Атанасијевиќ.

Судии на денешниот меч се Србите Марко Боричиќ и Дејан Марковиќ, додека ЕХФ делегат е Ајберк Дилмен од Турција.