Денеска кипарскиот фудбалски клуб ја информираше јавноста дека е прекината соработката со македонскиот 31-годишен централен бек Кире Ристевски.

Иако имаше важечки договор до АЕЛ Лимасол до 31 мај 2023 година, нашиот играч одлучи истиот да го раскине.

– АЕЛ информира дека соработката со фудбалерот Кире Ристевски е раскината на заедничка согласност. На фудбалерот му посакуваме сè најдобро на професионален и личен план – пренесуваат од клубот.

Сега во редовите на АЕЛ Лимасол настапува само еден македонски фудбалер, станува збор за 24-годишниот Давор Здравковски.

Ристевски е стандарден репрезентативец на Македонија, на клупски план пред да се пресели во Кипар беше дел уште од Пелистер, Елбасани, Билис Балш, Славија Софија, Тирана, Работнички, Вашаш и Ујпешт.