33-годишен кинески хакер, кој во САД е баран за шпионажа, беше уапсен денес во Милано.

Сју Зевеи беше уапсен на аеродромот Малпенса, врз основа на потерница издадена од американските власти, додека тој пристигнал со авион во Италија за планиран одмор.

Според италијанскиот печат, Зевеи е обвинет за меѓународна шпионажа против научници кои работеле на универзитетите во Тексас во 2020 година, со цел да се произведе вакцина против коронавирусот.

Во исто време, тој наводно бил член на хакерска група која, во име на кинеската влада, се обидувала да собере клучни податоци од компјутерите и датотеките на американската влада.