Кина со финансиска помош за родителите ќе се обиде да го запре падот на наталитетот. Според одлуката на кинеските власти, брачните парови кои ќе добијат принова ќе добијат месечен детски додаток од 3.600 јуани, што е околу 430 евра, пренесува „Дојче веле“.

Оваа мерка е дел од напорите на властите да ги охрабрат младите да имаат деца, со оглед на тоа што се помалку млади луѓе одлучуваат да основаат семејство.

Двојките кои имаат три или четири деца ќе можат да добијат и до 100.000 јуани (околу 12.000 евра) за секое следно дете.

Кина (1,41 милијарда) е втората земја во светот по бројот на население, зад Индија (1,46 милијарди). Населението на Кина, според проценки на ОН, би можело да се намали на околу 800 милиони до 2100 година.