Кинеската влада поради епидемијата од корона вирусот идздаде нова листа со животни кои би можеле да се најдат на трпезата како месо за исхрана, пренесува „Си Ен Ен“.

Министерството за земјоделство во Кина одреди прелиминарна лизта со животни кои се сметаат за прифатливи за одгледување заради месо и негова употреба во исхраната.

На оваа листа се најдоа свињи, крави, кокошки и овци, како и „посебен вид на стока“ како што се некои видови на елени, лами и ноеви. На списокот се најдоа и два вида лисици, ракуни и куни кои нема да се користат во изхраната туку за други потреби.

На листата не се најдоа сите оние видови на животни за кои научниците сметаат дека го пренеле корона вирусот на луѓето, како што се панголин, лилјаци и цибет.

Исто така на новата листа нема ни кучиња, а со усвојувањето на оваа одредба би можело да се означи и победа на активистите за заштита на животни кои се сметаат за домашни миленици.

Пекинг привремено забрани трговија со месо од диви животни по избувнувањето на епидемијата од корона вирус, а допрва се очекува и доформулирање на ново законско решение.