Во натпреварот за третото место на Фајнал-фор турнирот во Европската лига во германскиот дуел ракометарите на Кил славеа над Мелсунген со 37:31.

После првото полувреме на теренот во Хамбург ниту една од двете екипи немаше предност (18:18).

Во победничките редови најефикасен беше Мадсен со 12 голови, три повеќе од Елефсен.

На спротивната страна Јонсон запиша шест погодоци, а пет беа дело на Дростен.

Во големото финале Монпеље од Франција ќе игра против Флензбург од Германија.