Како што официјално информираат од кошаркарскиот клуб Куманово, нивни нов играч е кинескиот интернационалец Кикаи Сун.

Сун е првиот Кинез во македонската кошарка, а доаѓа по препорака на тренерот Владимир Мирковски кој долго време работеше во оваа држава.

Настапува на крилните позиции, висок е 196 сантиметри, а претходно играше во НЦАА за Сетон Хол Универзитетот од Њу Џерси.

Последната сезона ја поминал во тимот на Њујорк Харлем Андердогс каде просечно постигнувал по 11,4 поени, 4,6 скока и 2,1 асистенции по натпревар.

Претходно КК Куманово ги продолжи договорите со двајцата српски интернационалци, Андрија Марјановиќ и Душан Јузбашиќ.