Советник на украинскиот министер за одбрана негира дека паднатиот дрон во Загреб кој зад себе остави кратер, е на украинската армија

„Овој воздухоплов не е наш и ги отфрлам изнесените наводи изјави Маркијан Либкијвски советник на украинскиот министер за одбрана за хрватски Јутарњи лист.

Тој додаде дека се очекува официјално соопштение од украинското МНР во соработка со Генералштабот на украинската армија.

– Барам хрватските партнери да спроведат истрага за да се открие кому му припаѓа леталото и како можело да се најде над Загреб и да падне во Загреб – изјави Лубќивски за Јутарњи лист.

Непознато летало се урна синоќа кај загребски Јарун околу 23 часот. Засега теоријата е дека се работи за украински дрон Ту-141, а од Владата велат дека дошол од правец на Унгарија со брзина од 700 км/ч на надморска височина од 1300 м.

– Според она што сега го имаме како информација, се работи за авион од руско производство, не се знае дали бил во сопственост на руската или на украинската армија. Познато е дека во Хрватска дошла од правец на Унгарија, а во Унгарија од правец на Романија. Надлежните служби вршат анкети. Контактиравме и со украинската страна за да видиме дали имаат информации како авионот стигнал до Загреб – изјави премиерот Андреј Пленковиќ во Версај, каде се одржува состанок на светските лидери за ситуацијата во Украина.

ВИДЕО: Некакво летало се урнало во Загреб, оставајќи кратер зад себе

Познати првите детали за мистериозното летало од Загреб: Пристигна од правец на Унгарија, со брзина од 700 км/ч