Ќерката на Елвис Присли прозборе за врската со Мајкл Џексон, во која влегла за да го спаси! (ФОТО)
Лиса Мари Присли и Мајкл Џексон се разведоа во 1996 година, а таа тврди дека ништо не укажувало на фактот што тој злоставувал деца.
Препорачано
Ќерката на Елвис Присли во интервју од 2003 година за Ролинг Стоунс Магазин раскажува дека нејзиниот брак со Мајкл Џексон бил обид да го спаси него. Лиса сведочи дека Мајкл ја довел во заблуда со неговото постојано жалење, па се обидела да го промени неговиот живот – пишува „Мирор“.
Во интервјуто зборува како првпат се запознава со Џексон кога била тинејџерка, додека е со Дани Кугом, кој подоцна стана нејзнин прв сопруг.
Лиса Присли вели дека немала никаков интерес за тогашниот крал на поп-музиката. Повторно ги споил нивни заеднички пријател, неколку години подоцна – кога Мајкл Џексон побарал демо од нејзината музика, па како што вели таа, се согласила „од култура“.
– Веднаш почна да ми зборува за тоа што луѓето зборувале за него, а што всушност било вистина. Се губиш во целиот „жалосно неразбран“ наратив, ме понесе во целата таа приказна, а јас паѓам на тоа, признава Лиса.
Веднаш ја привлекол – а во интервјуто е запрашана и зошто Мајкл Џексон толку различно се прикажувал во „реалноста“, на што таа додава: „Не знам, но мислам дека му одговараше да ја манипулира таквата слика за себе во јавноста“.
– Она со е*ениот мајмун и она со е*ениот слон… Сè ми се чинеше мистериозно и тоа ме привлекуваше, но тоа всушност беше целиот проблем во нашиот меѓусебен однос“ – продолжува Присли.
Тогаш започнаа и обвинувањата за злоставувањето деца кон нејзиниот сопруг, Мајкл Џексон.
– Му верував во сè што ми зборуваше. Беше многу уверлив поради некоја причина, не знам зошто. Брзав за да докажам дека е невин…
Сепак, Лиса Мари Присли и Мајкл Џексон се разделија многу наскоро, во 1996 година.
Лиса истакнува и дека била хипнотизирана од „романтичните“ идеи „да го спаси него, па заедно да го спасат светот“ .
Инаку, по стапките на нејзиниот татко, познатиот Елвис Присли, и Лиса има музичка кариера.
Исто така, таа е мајка на четири деца, а од 2016 година повторно е сингл, откако по 10 години поминати во брак, се разведе од Мајкл Локвуд.
