Кениската атлетичарка Перес Џепчирчир го освои златниот медал на маратонската трка на Олимписките игри во Токио.

Во трката која се одржа во Сапоро во тешки услови поради топлото време и големата влажност, Џепчирчир славеше со резултат од 2:27.20 часа.

Нејзината сонародничка Бригит Косгеи го освои сребрениот медал со 16 секунди заостаток, додека Моли Сејдел од САД го освои бронзениот медал со 26 секунди послабо време од шампионката.

Трката започна еден час порано од предвиденото за да се избегнат високите температури , но на стартот температурата изнесуваше 25 степени, додека во завршницата беше за пет степени потопло и со голема влажност на воздухот, што им создаваше големи проблеми на атлетичарките. Трката ја започнаа 88 маратонки од кои 15 не ја завршија вклучувајќи ја и светската шампионка Рут Чепнегетич од Кенија.