Казан завиен во тага: Наставничката Елвира го жртвуваше својот живот за да спаси ученик од куршумите за време на вчерашниот масакр во Казан
Роднините, пријателите и учениците денеска ја испратија на вечното почивалиште наставничката по англиски јазик Елвира Игнатиева (26), која загина во вчерашниот напад врз училиште во Казан. Цела Русија е во жалост откако седум ученици и двајца наставници го загубија животот вчера по крвавиот напад на 19-годишниот тинејџер.
Препорачано
View this post on Instagram
Во моментот на нападот Елвира држeла час по англиски јазик за ученици од 5 одделение. Таа излегла во ходникот кога слушнала пукотници.
Елвира го загуби животот заштитувајќи ученик со своето тело од куршумите на суровиот убиец, кој насилно влета во училиштето и започна да убива деца. Храбрата наставничка излегла во ходникот во моментот кога вооружениот Илназ Галјавиев го извадил оружјето и пукал во сите пред себе. Во последен момент успеала да го повлече детето и да го заштити со своето тело.
Младата наставничка работела како наставник пет години и била многу страствена во својата професија. Училиштето известува дека во 2018 година, Елвира го освоила второто место на окружниот натпревар во педагошки вештини „Учител на годината 2018“ и ја добила наградата за победа на конкурсот „Наш нов учител“.
