Членот на кралското катарско семејство Калифа бин Хамад Ал Тани беше доста активен на социјалните мрежи за време на летниот преоден рок. Тој е близок роднина на Тамим бин Хамад Ал Тани, кој е вистинскиот сопственик на ПСЖ.

Насер Ал-Келаифи формално е претседател на ПСЖ, но на сите им е јасно дека тој е главен само на хартија, а клучните одлуки се носат во катарското кралско семејство, поточно последен збор има токму Тамим бин Хамад Ал Тани.

Калифа бин Хамад Ал Тани беше првиот кој преку социјалните мрежи го најави доаѓањето на Лионел Меси во ПСЖ, што неколку дена по неговата објава тоа е се реализира.

Француските медиуми веднаш сфатија дека тој на социјалните мрежи објавува проверени информации, поради што пишувањата на нивните колеги од шпанските медиуми пред се од „Ас“ и „Марка“ дека Килијан Мбапе е пред портите на „Сантијаго Бернабеу“ ги земаа со резерва.  На крајот беа и во право, катарското кралско семејство ја одби понудата тешка 220 милиони евра и Мбапе остана на „Паркот на принцевите“.

Летниот преоден рок покажа дека Калифа бин Хамад Ал Тани има поинаков пристап, но очигледно и улога во кралскиот катарски двор. Често објавува постови на социјалните мрежи и исто така ги повикува на дискусија новинарите и фудбалските функционери.

Овој пат неговата последна објава јасно покажа колкави беа шансите на Реал Мадрид во последниот ден од летниот преоден рок да го реализира трансферот на Килијан Мбапе.

„Притисок од медиумите… не влијае на најбогатиот клуб на светот… реалност“, напиша Калиха бин Хамад Ал Тани над објавата на „Марка“ на која е Едуардо Камавинга кој потпиша за Реал Мадрид, додека насмеаното лице на Мбапе во средината на свет.

media pressure..
It doesn’t work with the richest club on the planet..

reality pic.twitter.com/6wLUXf5ec7

— خلـــيفة بـــن حمـــد آلــ ثانــــــي (@khm_althani) August 30, 2021

Алузијата на „Марка“ беше јасна, Камавинга денеска потпиша шестгодишен договор со Реал Мадрид, додека Мбапе требаше да биде шлагот на тортата, но и шеикот кој е свесен дека весникот има блиски врски до „кралскиот клуб“, со својата објава докажа дека ПСЖ, односно неговите сопственици немаат намера да играат според правилата кои ги диктираат други.

Шеиците со случајот Мбапе испратија порака до сите екипи дека тие ги диктираат условите, па дури и по цена фудбалерот од 1 јануари 2022 година да се договори со Реал Мадрид и на лето да се пресели на „Сантијаго Бернабеу“ без обесштетување, односно сопствениците на ПСЖ ќе останат без 200 милиони евра колку што нудеше Перез.

Официјално: Камавинга шест години во Реал Мадрид