Катар соопшти дека предупредувањето на САД за денешниот израелски напад врз Доха дошло откако веќе се слушнале експлозии во главниот град.

„Тврдењата што циркулираат дека Катар бил информиран однапред за нападот се лажни. Повикот добиен од американскиот функционер дошол откако се слушнале експлозии по израелскиот напад врз Доха“, изјави портпаролот на Министерството за надворешни работи на Катар, Маџед ал-Ансари, на платформата X, како што објави „Тајмс оф Израел“.

Кабинетот на израелскиот премиер Бенјамин Нетанјаху претходно соопшти дека тој ја наредил операцијата по терористичкиот напад во Ерусалим во понеделник, за кој одговорноста ја презеде палестинската милитантна група Хамас.

Хамас потврди дека пет члена на групата биле убиени во израелскиот напад врз Доха, но рече дека Израел „не успеал во обидот да го убие преговарачкиот тим на групата“.