„Катар Ервејс“ покрена меѓународна постапка во која бара отштета од четири арапски земји во висина од најмалку 5 милијарди долари поради блокадите на нивниот воздушен простор.

Компанијата во постапката наведува дека и е направена огромна економска штета поради забраната за слетување на нејзините авиони на аеродромите во сега веќе тужените земји.

На листата на авио – компанијата се најдоа Саудиска Арабија, Обединетите Арапски Емирати, Бахреин и Египет.

Овие земји во 2017 година ги прекинаа сите врски со Катар и на оваа земја и воведоа воздушна, копнена и поморска блокада.

Како пичина за воведените блокади беше наводно давање поддршка на тероризмот, обвинение што Доха го негира, пренесува агенцијата Алџезаира.