Фудбалерите на Реал Мадрид обезбедија пласман во во полуфиналето на Лигата на шампионите откако во возбудлив двомеч го елиминираа Челси и во битката за финалето ќе им биде Манчестер Сити.

„Кралевите“ на стартот од нокаут фазата не важеа за фаворити, но успеаја да ги елиминираат фаворизираните ПСЖ и Челси, и да си закажат пресметка со уште еден фаворит Манчестер сити.

Но, поранешниот италијански репрезентативец Антонио Касано, не е премногу импресиониранстратегот на Реал Мадрид, Карло Анчелоти.

Carlo Ancelotti is the first manager in history to reach the Champions League semi finals in FOUR different decades ? pic.twitter.com/JCikxhqD3U

— ESPN FC (@ESPNFC) April 13, 2022

Анчелоти со триумфот над Челси, стана првиот тренер во историјата на Лигата на шампионите кој играл во полуфинале во четири различни децении. Анчелоти беше дел од полуфиналето на ЛШ во 1990-тите години со Јувентус, со Милан во 2000-тите и во последните две децении тој успех го повтори со Реал Мадрид.

– Реал одигра лошо и против ПСЖ и против Челси, а Анџелоти имаше многу, многу среќа. Мислам дека среќата ќе го напушти многу брзо. Реал не е толку добар ниту во Ла Лига иако е лидер на табелата. Фудбалерите се чувствуваат добро „под палката“на Анчелоти, но да бидам искрен, не познавам ниту еден играч што тој го создаде – вели Антонио Касано.

Во првиот натпревар од полуфиналето во Лигата на шампионите, Реал на 26. април ќе му гостува на Манчестер сити, а реваншот ќе се игра една недела подоцна.