Во финалето на мастерс турнирот од серијата 1000 во Монтреал ќе играат Пабло Карењо-Буста и Хуберт Хуркач.

Карењо-Буста во полуфиналето го победи Британецот Даниел Еванс во три сета и тоа со 7:5,6:7,6:2.

За 31-годишниот Шпанец ова ќе биде 12. финале во кариерата, а второ годинава. Во првото финале, во Барселона тој загуби од сонародникот Карлос Алкараз. Досега има освоено шест титули, а последната ја освои минатата година во Хамбург.

Хуркач во полуфиналето пак беше подобар од Каспер Руд исто така во три сета 5:7,6:3,6:2.