Во моментот во најголем дел од државата немаме толкаво зголемување на бројот на заболени наставници и ученици за да преземеме дополнителни мерки, изјави на денешната пресконференција претседателот на комисијата за заразни болести д-р Жарко Караџоски, во одговор на новинарско прашање во однос на состојбата со ковид-19 во училиштата во земјава.

Во врска со затворањето на основното училиште „Владо Тасевски“ во Скопје, Краџовски потврди дека таму има заболени лица, но истакна дека не се работи за толку голема бројка за да се ограничи наставата со физичко присуство во сите училишта.

– Моментално во најголем дел од државата немаме зголемен број на заразени наставници и ученици за да преземеме мерки, односно да донесеме одлука помалку ученици да посетуваат настава со физичко присуство – истакна Караџовски, додавајќи дека Комисијата е во постојан контакт со Министерството за образование и наука и заеднички ја следат состојбата со вирусот во училиштата.