Моделот и актерка Кара Делевињ откри како е да се живее со Тејлор Свифт. Во интервјуто со комичарката Ники Глејзер за списанието „Interview“, манекенката откри дека се преселила со Свифт по раскинувањето на романтичната врска.

„Поминав низ навистина лошо раскинување и таа ме остави да живеам со неа“, сподели Делевињ.

Таа навести дека нивните различни карактери создавале интересна динамика додека биле цимерки.

„Ние сме многу различни личности“, рече Делевињ.

„Таа беше многу добар домаќин бидејќи толку добро се грижеше за мене, но сепак влеговме во неволја. Ја однесов на малку диво возење“, додала таа.

Делевињ и Свифт се многу добри пријателки веќе долго време, а манекенката дури се појави и како член на нејзиниот „одред“ во спотот за песната „Bad Blood“ во 2014 година. Неодамна, Тејлор Свифт ја поддржа Делевињ, патувајќи во Британија за да го гледа нејзиниот настап како Сали Боулс во мјузиклот „Кабаре“.