Манчестер сити е во голема резултатска криза, фудбалерите на Пеп Гвардиола запишаа само една победа на последните 10 натпревари, а сега шпанскиот тренер доби сериозни критики.

Сити продолжи со лошите резултати со пораз од 2:0 од Јувентус во синоќешниот натпревар од Лигата на шампионите.

Во последните 10 натпревари „граѓаните“ забележаа само една победа, а во тој период ова им беше седми пораз.

За ваквата ситуација коментар имаше и легендарниот Фабио Капело, кој смета дека во сѐ има голема улога егото на Гвардиола:

– Гвардиола е одличен тренер. Сепак, тој е премногу арогантен и полн со себе. Понекогаш губеше трофеи затоа што сакаше да докаже дека победувал, а не играчите, па ги изоставуваше клучните играчи во важните натпревари. Оваа тактика, според мене, беше обид да се привлече внимание и заслуга кон него, а не кон неговиот тим – вели 78-годишниот Капело.