Канје Вест шокираше со новата песна, тврди дека Бјанка го оставила: „Мојата сакана побегна…“
Контроверзниот рапер Канје Вест шокираше со својата нова песна „БЈАНКА“ (BIANCA) во која рече дека сопругата Бјанка Ценсори го оставила поради вознемирувачки објави на социјалните мрежи. Песната „БЈАНКА“ ќе се најде на неговиот албум „WW3“ кој го најави пред неколку дена.
Препорачано
Текстот на песната е објавен на веб-страницата „Гениј“ (Genius), а во нив Вест признал дека Ценсори имала напад на паника поради неговите испади на социјалната мрежа Икс.
Ye confirms in a song named after Bianca Censori that she left him after trying to have him committed.
He says she had a panic attack due to his tweets. She took the Maybach and drove off — and he tracked her through the Maybach app. pic.twitter.com/MjzAzjahsw
— Kurrco (@Kurrco) April 3, 2025
„Мојата сакана побегна/Но прво се обиде да ме натера да одам на лекување/Нема да одам во болница затоа што не сум болен, само не ми е јасно/Има напад на паника и не ѝ се допаѓа начинот на кој твитам/Додека Бјанка не се врати, ќе останам буден цела ноќ, нема да спијам/навистина не знам каде е“, вели тој во песната што ја објави во четвртокот.
Преку песната откри и дека сфатил дека Бјанка го оставила следејќи ја нејзината локација преку апликација. Тој, исто така, го нападна нејзиното семејство во песната.
„Тие сакаат да одам на лекување/Тие сакаат да избегам“, додаде тој.
Канје го спореди неговиот и односот на Бјанка со врската на Шон Диди Комбс и неговата поранешна девојка Кеси Вентура.
„Се чини дека ние сме новите Кеси и Диди/ја правам оваа песна за Бјанка “, рече тој во текстот, завршувајќи ја песната со: „Бјанка, само сакам да се вратиш/Врати ми се/Знам што направив за да те налутам“.
Меѓу пошокантните стихови во оваа песна беше оној за Кеси и Диди. Вест во последно време не крие дека е на страната на озлогласениот музички магнат кој во септември беше уапсен под сомнение за рекетирање, трговија со луѓе со цел сексуална експлоатација и криминални дејствија поврзани со проституција. Минатиот месец, Канје на „Икс“ тврдеше дека Вентура, која поднела тужба за сексуален напад против нејзиниот поранешен во 2023 година, го „уценувала“ Диди.
Освен тоа, неколку пати на социјалните мрежи ги напаѓал Евреите, рекол дека е нацист, истакнал дека „го сака Хитлер“ и рекол дека има доминација над својата сопруга. Преку Икс, тој исто така започна да ја промовира маицата на неговиот бренд со свастика, а истиот симбол е и на насловната страница на неговиот нов албум.
