Конттроверзниот американски рапер и моден дизајнер Канје Вест изјави дека му бил дијагностициран аутизам и дека лекарите претходно погрешно му дијагностицирале биполарно растројство.

Вест, кој сега се нарекува Је, во подкастот „Даунлоуд“ откри дека неговата сопруга Бјанка Ценсори му предложила да ја преиспита својата првична дијагноза.

„Мојата сопруга ме натера да го направам тоа затоа што рече: ‘Нешто во врска со твојата личност не изгледа како биполарно’… И дознав дека имам аутизам“, изјавил раперот во интервјуто со Џастин Лејбој, пренесува „Гардијан“.

Тој изјави дека дијагнозата му помогнала подобро да разбере некои од неговите модели на однесување.

„Кога фановите ќе ми кажат да го направам мојот албум на одреден начин, јас ќе го направам токму спротивното“, рекол музичарот.

Инаку, Ким Кардашијан, поранешната сопруга на Вест, еднаш изјави дека има потешкотии да се справи со проблемите со менталното здравје на Вест.

„Оние кои разбираат ментална болест или дури и компулсивно однесување знаат дека семејството е немоќно освен ако неговиот член е малолетник. Луѓето кои не се свесни или далеку од ова искуство може да бидат осудувачки и да не разбираат дека самата личност мора да биде вклучена во процесот на добивање помош“, изјавила тогаш таа.

Вест го спомна неговото претходно дијагностицирано биполарно растројство во бројни песни, а на насловната страница на неговиот албум од 2018 година пишува: „Мразам да бидам биполаерн, тоа е одлично“.

Тој призна и дека повеќе не зема лекови за биполарно растројство, бидејќи, како што изјави, „аутизмот не е болест и нема лек“.

„Не земам лекови откако дознав дека дијагнозата на биполарно растројство е погрешна. Откривам работи кои не ја блокираат креативноста – очигледно тоа е она што му го носам на светот“, истакнал тој.

За потсетување, Вест предизвика контроверзии оваа недела откако се појави на овогодинешните Греми награди со Ценсори, која носеше проѕирен мини фустан, без долна облека под него. Таа носеше црна бунда, која ја соблече веднаш штом се најде пред камерите, по што таа и Веста беа спроведени од церемонијата во Лос Анџелес со полиција.

ФОТО | Историска победа: Бијонсе ја освои првата награда Греми за најдобар албум во нејзината долгогодишна кариера