Раперот Канје Вест и неговата сопруга Бјанка Ценсори се во центарот на медиумското внимание, откако на доделувањето на Греми наградите направија вистински спектакл.

Оваа недела, додека беа на снимање во Лос Анџелес, папараците ги забележаа, а Вест веднаш ја искористи можноста да се пофали.

„Прашајте ме како беше да се биде најдобар на Греми наградите!“, им довикнал тој на фотографите, пренесува „Дејли мејл“.

Неговата сопруга, која со својот изглед предизвика лавина реакции на црвениот тепух, едвај го задржала смеењето, што уште повеќе ја нагласило самодовербата со која двојката го доживеала своето појавување на престижната манифестација.

Иако не освои официјална награда, Вест смета дека токму тој е вистинскиот победник на вечерта, бидејќи, според него, неговата сопруга станала најпребаруваната личност на Гугл во текот на ноќта на доделувањето награди Греми.

„Само да појаснам – на 4 февруари 2025 година, мојата жена беше најбараното име на планетата Земја“, порачал раперот.

Според достапните податоци, Ценсори била пребарана дури пет милиони пати во таа вечер, надминувајќи ги дури и добитниците на наградите, што за Вест е доволен показател дека нивното појавување било највпечатливиот момент на вечерта.

Ова не е првпат Вест да има партнерка која предизвикува масовен интерес. Неговата поранешна сопруга, ријалити-ѕвездата Ким Кардашијан, во 2014 година позираше целосно гола за насловната страна на списанието „Пејпер“, по што стана најпребаруваната личност на Бинг, а втора на Гугл. Година подоцна, таа беше најпребаруваната личност во дури 26 земји ширум светот.