Канадскиот премиер Џастин Трудо и неговата сопруга Софи Грегоар Трудо се разделуваат, објави Трудо на својот Инстаграм профил во средата, пренесува Си Ен Ен.

Трудо напиша: по „многу значајни и тешки разговори“ со Софи, „донесовме одлука да се разделиме“.

„Како и секогаш, ние остануваме блиско семејство со длабока љубов и почит еден кон друг, кон сè што изградивме и ќе продолжиме да градиме“, напиша тој.

Тој побара да се почитува нивната приватност за доброто на нивните деца.

Откако помина неколку години држејќи настава во Ванкувер, Трудо се врати во Монтреал во 2002 година, каде што ја запозна Грегоар Трудо, стои во официјалната биографија на канадскиот премиер.

„Во 2002 година, Џастин се врати дома во Монтреал, каде ја запозна Софи Грегоар. Тие се венчаа во 2005 година и сега се горди родители на Ксавиер, Ела-Грејс и Хадриен“, пишува во неа.

Според веб-страницата на Либералната партија на Трудо, Грегоар Трудо се стекналa со диплома за комуникации на Универзитетот во Монтреал, подоцна работелa во продажба и рекламирање пред да стане телевизиски и радио репортер.