Професионалната канадска боксерка, Ким Клавел, ги остави ракавиците и се вклучи во борбата против пандемијата на коронавирусот во својата земја.

Клавел е школувана за медицинска сестра и воопшто не размислуваше дали треба да ги остави ракавиците и да облече мантил за да им помага на здравствените работници.

– Некои не ја разбираат состојбата со коронавирусот и не сакаат да останат во собите. Тоа е многу тешко. Ние мораме да бидеме и месицински сестри и психолози во исто време. Не се плашам, знам колкав е ризикот, но не размислувам за стравот во овие моменти. Сакам да им помогнам на луѓето. Имав избор, можев да останам дома, да не работам ништо и да добивам пари од државата. Но, имав дозвола да помогнам и морам да помогнам во овие моменти. Чувствувам дека можам да направам разлика – изјави Клавел.