Канада: Вкупно 120 училишта пријавиле случаи на Ковид-19
Само неколку дена по отворањето, во речиси 50 училишта во канадската провинција Квебек, се пријавени случаи на Ковид-19, а четири дена подоцна тројно се зголеми бројот на училишта со позитивни случаи.
Препорачано
-
1
-
2
-
3
Според канадскиот весник „Ла Прес“, вкупно 120 училишта пријавиле случаи на Ковид-19 од кои во 50 се прават проверки, бидејќи информациите „не биле пренесени во согласност со утврдените правила”. Сепак, 70 основни и средни училишта низ провинцијата имаат барем еден потврден случај на коронавирус додека расте бројот на заразени лица низ цела Канада.
Водечката канадска лекарка за јавно здравје, Тереза Там, вели дека бавното, но постојано зголемување на бројот на луѓе со позитивен тест за Ковид-19, е причина за загриженост. Вкупно, 3.955 луѓе биле позитивни на тестот ширум Канада во изминатата недела, а 28 лица починале од последици на Ковид-19.
Ако се спореди со 3.044 позитивни тестови и 44 смртни случаи од претходната недела, се забележува зголемување од 25 проценти на нови случаи за само една недела.
