Кралицата Камила ретко дава изјави за медиумите, особено за нејзиниот сопруг, но овој пат направи исклучок и откри од каде кралот Чарлс добива сила да ги заврши своите обврски, иако е болен од рак.

Кралот Чарлс повеќе од една година се бори со ракот, но тој постојано е активен и речиси цело време во јавноста. Речиси во исто време му беше дијагностициран рак, кога и на принцезата од Велс која се повлече од јавноста во поголемиот дел од 2024 година, додека кралот е речиси постојано „на работа“.

Неговата сопруга, кралицата Камила, не ја коментираше многу состојбата на нејзиниот сопруг, но, како што пишува Би-би-си, сега истакнала дека луѓето можат „само да сонуваат“ дека кралот ќе забави иако се соочува со тешка болест.

Покрај тоа, кралицата е сигурна дека неговата посветеност на должноста всушност му дава сила.

„Мислам дека ја сака својата работа и тоа го турка напред. И мислам дека тоа е прекрасно, знаете, ако сте болни и се опоравувате, подобро сте, па сега тој сака да работи уште повеќе, и повеќе, и повеќе… Но и тоа е проблем“, забележала кралицата Камила.

„Тоа е она што го тера, да им помага на другите“, додала таа.

Извори блиски до круната наведуваат дека лекувањето на британскиот крал се одвива добро, и дека лекарите го охрабриле да продолжи да работи и да патува, па до крајот на годината треба да очекуваме повеќе прекуокеански обврски на кралот.

„Тој знае дека има среќа што е во позиција каде што може да направи разлика, па е решен да го направи тоа“, изјавил еден вработен во Бакингемската палата за решеноста на 76-годишниот Чарлс да продолжи со својата работа.

Тој исто така истакна дека сите се обидувале да го убедат да се одмори, но дека кралот едноставно премногу ужива во својата работа.

ФОТО | Бела елеганција на италијанската премиерка Џорџа Мелони: Го пречека кралот Чарлс во впечатливо одело