Камерен состав Трио „Аура“

Камерниот состав Трио „Аура“ ќе одржи концерт на фестивалот „Златна лира“

На програмата на фестивалот „Златна лира“ на 31 октомври, во 20 часот, во Музејот на македонската борба, е концерт на Трио „Аура“ (добитници на наградата „Златна лира“ во 2023 година), а на концертот ќе бидат изведени дела од композиторите Т. Јанса, Ф. Девиен, М. Бонис, З. Новачиќ, Х. Битфинк. Влезот на концертот е слободен.

Камерниот состав Трио „Аура“ го сочинуваат тројца истакнати македонски музички уметници: флејтистот Страшо Темков, пијанистката Ана Гацева и фаготистот Марјан Милошевски, кои истовремено се редовни професори на Факултетот за музичка уметност во Скопје.

Трио „Аура“ има долга и богата концертна кариера, како во Македонија, така и на меѓународната сцена. Нивниот репертоар вклучува бројни солистички и камерни настапи во САД, Франција, Германија, Швајцарија, Белорусија, Австрија, Англија, Бугарија, како и во Азија, Африка, Србија и Словенија, на кои добиваат исклучително позитивни критики.

Музичките рецензенти ги нарекуваат „мајстори на својот инструмент“, а нивните импресивни настапи на значајни фестивали, како „Охридско лето“, „Скопско лето“, „Златна лира“, БУНТ – Белград, Софија, Нишки фестивал, Фестивал „Барски љетопис“, „Еспресиво“ – Цетиње, „Нимус“, „Ледамус“, Врање, Ваљево и многу други, ги позиционираат меѓу најдобрите и најактивни музички изведувачи во Македонија.

На концертните сцени, како дома така и во странство, Трио „Аура“ изведува дела од различни музички епохи и стилови. Впечатлива е нивната посветеност на промоцијата на нови дела од македонски композитори, специјално компонирани за нивниот состав.

Нивното високо естетско камерно музицирање се карактеризира со „изразено чувство за експресивност, музичка симбиоза и компактност на звукот и изразот“.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот