Фудбалерите на Реал Мадрид го освоија „Копа Дел Реј“ победувајќи ја Осасуна со 2:1. Со овој освоен трофеј, Едуардо Камавинга испиша нова историја во дресот на „кралскиот клуб“.

Францускиот фудбалер со 20 години и 177 дена стана најмладиот играч кој ги освоил сите шест трофеи со Реал. На овој начин го престигна легендарниот голман Икер Касиљас.

Камавинга со Реал Мадрид ги освои Лигата на шампионите, „Ла Лига“, Суперкупот на Шпанија, додека оваа сезона го дојде и до пехарот во Суперкупот на Европа и трофејот на Светското клупско првенство. Колекцијата ја комплетираше во саботата, со титула во Кралскиот куп.

Сезонава ќе има шанса да освои уште еден трофеј, играчите на Карло Анчелоти обезбедија пласман во полуфиналето од ЛШ каде ќе играат против Манчестер сити.

Потсетуваме, Камавинга дојде во клубот од „Сантијаго Бернабеу“ во последниот ден од преодниот рок во август 2021 година кога беа исплатени се 31 милион евра за неговите услуги.

Реал Мадрид не планира да се раздели со тренерот Анчелоти