Неколку дена по загубата на „кралот на шансоните“, Зафир Хаџиманов, се редат убави зборови и спомени од негови бројни колеги и познаници од целиот Балкан, кои прават неговиот лик и дело да живееат вечно.

Убави спомени и зборови сподели и нашата позната пејачка Калиопи која за познатиот, композитор, актер, пејач и поет зборуваше за српскиот телевизиски канал „K1“

Калиопи пред јавноста ја сподели и нивната прва средба кога таа имала само 9 години:

„Зафир Хаџиманов го запознав на првиот фестивал на кој што настапував кога бев дете. Тогаш имав девет години, беше тоа 1976 година, а Зафир беше водител. Тогаш го нарекував „чичко Зафир“, изјавила Калиопи во емисијата „Kec na jedanaest“ во која што се вклучила од својот дом од Скопје.

„Не можев ниту да сонувам дека еден ден со него ќе бидам на сцена и дека повеќе нема да го викам „чичко“ туку Зафир. Тој беше многу повеќе од тоа што во уметничка смисла остави зад себе. Зафир беше прекрасен човек, пријател и колега на кој секогаш можевте да му се обратите“, изјавила Калиопи.

 

View this post on Instagram

 

A post shared by Kaliopi (@kaliopi_official)

За љубовта на Хаџиманов кон неговата сопруга Сенка, како и за тоа дека во младоста бил вистински заводник потврдила и Калиопи:

„Многу жени го сакаа Зафир и мечтаеја по него, но тој ја сакаше само Сенка. Тој беше пример како се чува семејството, како се негува и сака. Ви благодарам што го чувавте споменот на Македонците кои што живееја со вас“, изјавила Калиопи за телевизијата „K1“.

За љубовта на Зафир Хаџиманов кон неговата сопруга: Неговите родители му договориле брак со друга девојка, но тој ја сакал Сенка!