Македонската музичка сцена тагува по трагедијата во Кочани, а болката што ја остави загубата на Андреј Ѓорѓиески од „ДНК“ одекнува низ целата земја.

Познатата пејачка Калиопи се прости од својот колега и пријател со емотивна објава на својот инстаграм-профил.

„Андреј, срцево ми се кине на сто парчиња, а душава парампарче. Твојата милост и убавина не изостанаа ни во последните мигови пред заминеш засекогаш, спасувајќи други животи. Ништо помалку не очекував од тебе, познавајќи ја твојата човечност, но не мораше вака. Ова не смее да е крај… чувствувам тага и бес, не смееше да е вака. Ќе те чувам заедно со нашите спомени, мило дете,“ напиша таа на социјалните мрежи.

 

View this post on Instagram

 

A post shared by Kaliopi (@kaliopi_official)

Да потсетиме, бројот на жртвите во разорниот пожар што го зафати ноќниот клуб „Пулс“ во Кочани продолжува да расте. Според најновите информации, досега загинаа најмалку 59 лица, додека бројот на повредени кои се хоспитализирани низ болниците низ Македонија достигна 155.

Огнената стихија избувна во преполниот клуб во раните утрински часови, а според сведоците, пожарот брзо се проширил, оставајќи малку време за бегство.