Летото е тука и е совршена сезона за капење, пливање и „фаќање“ боја на плажа. Но, иако многумина го сакаат сонцето, тоа може да ни наштети и трајно да ја оштети нашата кожа. Може да предизвика создавање на брчки, предвремено стареење на кожата, па дури и рак.

Сепак, со соодевтна заштита, можете многу да се забавувате на сонце. За ова ќе ви бидат потребни кремите за сончање, кои ќе ја заштитат вашата кожа од штетни влијанија.

Најдобро е да изберете крема за сончање со широк УВ спектар, односно со фактор за заштита од сонце (СПФ) најмалку 30. Овие препораки важат за луѓе со сите тонови на кожа.

Идеално време за нанесување на крема за сончање е 30 минути пред да излезете на сонце, што многу луѓе не го прават, туку кремот да го нанесуваат кога се веќе на местото каде што ќе се сончаат.

Колку е важен заштитниот фактор на кремите за сончање?

СПФ значи фактор за заштита од сонце. Во кремот за сончање, СПФ помага да се заштити вашата кожа од сончевите зраци. Сонцето испушта два вида на зрачење: УВА и УВБ зраци. УВА зраците придонесуваат за појавување на знаци на стареење на кожата, како што се брчки и опуштена кожа, додека УВБ зраците се главно одговорни за изгореници од сонце. СПФ делува така што ја зголемува природната одбрана на вашата кожа против сончевите зраци.

На пример, СПФ од 15 обезбедува околу 15 пати поголема заштита од вашата нормална кожа без крема за сончање. Значи, заштитен фактор од 50 би обезбедил 50 пати поголема заштита на кожата, отколку без крема за сончање. Изборот на крем за сончање со широк спектар значи дека ќе се изложите на сончање што ќе ги блокира и УВА и УВБ зраците, пишува „Хелтлајн“ (Healthline).

Кремот за сончање трае во просек два часа. Ова значи дека треба да планирате повторно да се намачкате на секои два часа. Доколку многу се потите, забележувате дека кожата ви гори или поминувате време во вода, кремата треба почесто да ја нанесувате за време на изложување на сонце.

„Дури и со заштитен фактор 30, треба да користите здрав разум. Нанесувајте крема за сончање во интервали од два до три часа и немојте да се залажувате дка сте целосно заштитени. СПФ може да означува заштита од УВБ зраци, но не и од УВА. Затоа е многу важно да барате ознака со „шрок спектар“, што значи дека кремата ќе ги блокира и УВА и УВБ зраците“, изјави за „Хелтлајн“ д-р Барни Кенет, дерматолог во Њујорк.

Ниска заштита од сонце: СПФ е под 15
Средна заштита од сонце: СПФ е 15 до 29
Висока заштита од сонце: СПФ е 30 до 49
Многу висока заштита од сонце: СПФ е над 50