Популарната серија „Белиот лотос“ („The White Lotus“) се врати на Ејч-би-о со својата трета сезона, но новите сцени и приказната предизвикаа спротивставени мислења кај гледачите. Додека некои се воодушевени од епизодата, други се шокирани, особено поради потенцијалната инцестуозна нишка меѓу два машки лика.

Како и претходните сезони, дејството се одвива во луксузен фиктивен ресорт, а во оваа сезона е сместен во Тајланд. Нови богати гости, меѓу кои и семејството Ратлиф, носат свежи интриги.

Тимоти (Џејсон Ајзакс) е бизнисмен кој ја доведува својата ќерка Пипер (Сара Кетрин Хук) за да интервјуира будистички монах за нејзината дипломска работа. Со него се и сопругата Викторија (Паркер Поузи) и синовите Саксон (Патрик Шварценегер) и Локлан (Сем Нивола).

Patrick Schwarzenegger em The White Lotus. pic.twitter.com/Y1dd0mkpJV

— CINEMA 505 (@CINEMA505) February 17, 2025

Една сцена со Саксон предизвика бура реакции – неговото целосно разголување, но и дијалогот со брат му, во кој разговараат за сестра им и за личните сексуални искуства. Ова поттикна шпекулации дека Локлан е геј и има чувства кон брат му.

Гледачите на социјалните мрежи коментираат: „Каков инцест гледам?“, „Саксон е премногу морничав“, „Ова ќе стане гадно, нели?“

Освен контроверзните сцени, изненадување беше и враќањето на ликови од претходните сезони, како Белинда (Наташа Ротуел) и Грег (Џон Грајс), кој сега има нова девојка, Клои (Шарлот Лебон).

Втората епизода излегува на 23 февруари на Ејч-би-о.