Има многу придобивки (покрај очигледните) кои доаѓаат од интимните врски: тие согоруваат калории, го зајакнуваат имунолошкиот систем, ја поттикнуваат интимноста и се разбира, ослободуваат допамин во мозокот – па можеби не е изненадување што врските помагаат да се чувствувате млади.

Интимниот чин всушност може да помогне во забавување на стареењето, според студијата од 2017 година објавена во списанието „Psychoneuroendocrinology“. Откриено е дека практикување секс барем еднаш неделно е поврзано со подолги теломери – заштитното капаче на ДНК што го одредува животниот век на клетката. Подолгите теломери се поврзани со побавно стареење на клетките и подолг животен век.

Истражувачите го следеле интимниот живот на 129 мајки во врска. Жените секојдневно известувале за нивното задоволство од интимната врска, како и колку често биле интимни со своите партнери. Истражувачите, исто така, земале примероци од крв од жените и ги анализирале клетките со маркери за стареење.

Откриле дека жените кои имале односи со своите партнери минатата недела имале подолги теломери во споредба со оние кои немале, пишува порталот „The Healthy“.

Ова истражување покажува поврзаност, но не може да докаже дека интимната активност била причина за подолгите теломери. Сепак, се смета дека должината на теломерите е важна за здравјето на луѓето.

Со текот на времето, теломерите се деградираат како што клетките се делат, станувајќи малку пократки со секоја клеточна делба. Се смета дека одредени фактори го поттикнуваат нивното побрзо распаѓање, како што се лошата исхрана, прекумерното консумирање алкохол и природниот процес на стареење, според истражувачите.

Нивните наоди покажуваат дека врската може да биде корисна кога станува збор за заштита на теломерите, што значи дека клетките можат да живеат подолго. Истражувачите ги поврзуваат кратките теломери со сериозни здравствени проблеми како што се ракот, срцевите заболувања и дијабетесот.

Иако не постои волшебна формула за сексуалната среќа на паровите, студијата од 2017 година објавена во „Archives of S*xual Behavior“ истражуваше колку често луѓето велат дека имаат односи. Студијата покажа дека просечниот возрасен човек има секс 54 пати годишно, приближно еднаш неделно, врз основа на податоците од 1989 до 2014 година.

Иако тој број малку се намали од 1990-тите, друга студија, објавена во списанието „Social Psychological and Personality Science“, следеше повеќе од 30.000 Американци во текот на 40 години. Истражувачите откриле дека паровите кои имаат секс повеќе од еднаш неделно не се посреќни од оние кои имаат секс само еднаш неделно.