Во новата документарна серија „Beckham“, посветена на животот на Дејвид Бекам, тој и неговата сопруга Викторија проговорија за скандалот од 2003 година, кога се појавија гласините за аферата на поранешниот британски фудбалер.

Имено, кога Бекам потпиша за ФК Реал Мадрид во 2003 година, Викторија остана во Лондон со синовите Бруклин и Ромео, за да не мора да се преселат и да им обезбеди чувство на дом и стабилност.

Неговата лична асистентка Ребека Лус потоа излезе во јавноста, тврдејќи дека таа и Бекам имале афера која траела четири месеци. Неофицијално, таа заработила дури еден милион фунти преку интервјуа и телевизиски појавувања поврзани со нејзината приказна за Бекам.

Во меѓувреме, Лус се пресели во Норвешка, откако го запозна нејзиниот сегашен сопруг, докторот Свен Кристјар Скајау. Тие се запознаа во реалното шоу „71 Degrees North“, а заедно имаат два сина – Магнус и Лиам.

„Толку сум среќна. Не се каам. Луѓето ми велеа дека сум луда. Кој е тој лик? Едвај го познавав, што направив? Но, видете што имам сега“, изјави Лус за „Дејли мејл“ во 2016 година.

„Сега сум толку задоволна со својот живот. Многу луѓе се плашат од промени. Промената е добра, промената е начин на кој се учи, а луѓето, едноставно, би требало да ја прифатат. Ми се допаѓа начинот на кој животот ме донесе тука каде што сум. Да не бев позната, немаше ни да бидам поканета во реалното шоу во кое го запознав својот сопруг Свен и немаше да ги добијам своите прекрасни дечки. Не би имала таков живот каков што имам сега“, заклучила.

Денес таа пропагира здрав начин на живот и практикување јога, а често објавува и фотографии од своето семејство.

Јадранот им е омилен: Викторија и Дејвид Бекам повторно се вратија во Хрватска