Владата соопшти нови мерките во борбата против коронавирусот, во нејзината најнова одлука се вели дека клубовите мора да направат задолжителен ПЦР тест за ковид-19 пред секој натпревар.

По тој повод се огласи и селекторот на македонските репрезентативци во атлетика, Кристијан Кајчевски..

– ПЦР тестови за натпревар во АТЛЕТИКА?? За кого, за публика? Без контактен спорт, индивидуално се тренира, индивидуално се настапува, со две метарски дистанци кои се нормални секојдневија во атлетика.

И вие нè ставате во ист кош со спортските игри кои најчесто завршуваат со тепачки (вчерашниот кошаркарски натпревар Тетекс – Чаир). Равенка со една непозната…СПОРТ – напиша Кајчевски на својот Фејсбук профил.

Ракометната и Фудбалската федерација на Македонија најавија дека ќе ги покријат трошоците за сите свои клубови.