Кинеската кајак асоцијација оваа година по повод 70 години од основање на реонот Нуџианг во провинцијата Јунан, ќе организира спортски настан од 17 до 22 декември.

Натпреварите во кајак на диви води ќе се одржат на три различни места на реката Нуџианг во градот Лушуи.

Во програмата се предвидени натпревари во кајак класик, кајак спринт, кајак крос, рафтинг како и најатрактивната трка „Тигров скок“.

Македонија повторно ќе има свој преставник на ова натпреварување, Александар Златаров-репрезентативец и член на кајакарскиот клуб Арка-Борец од Велес, тој има искуство од минатогодишното учество каде негов најдобар пласман беше на шестата позиција.