Високата претставничка на Европската Унија (ЕУ) за надворешни работи и безбедносна политика Каја Калас, денеска повика на „најсилен меѓународен притисок“ врз Русија, по последниот руски воздушен напад врз Украина во кој загинаа најмалку 12 лица.

Нападите резултираа со цивилни жртви, вклучително и деца.

„Синоќешниот напад уште еднаш покажува дека Русија се залага за поголемо страдање и разрушување на Украина. Страшно е што гледаме дека меѓу невините жртви кои се повредени и убиени има деца. Моите мисли денеска се со семејствата. Ни треба најсилен меѓународен притисок врз Русија за да ја запре оваа војна,“, напиша Калас на социјалната мрежа „Икс“.