Чеченскиот лидер Рамзан Кадиров е во болница откако бил спасен од давење во турското одморалиште Бодрум, пренесоа медиумите повикувајќи се на турски „Милиет“.

Инцидентот се случил напладне во Бодрум, каде Кадиров е на одмор во хотел со пет ѕвездички.

Според информациите, кратко по влегувањето во водата, чеченскиот лидер одеднаш почнал да мавта со рацете сигнализирајќи дека се дави.

Екипите на брзата помош брзо реагирале и го пренеле чеченскиот лидер во локалната болница.

Според „Милиет“, Кадиров е во добра состојба и тој е надвор од животна опасност.