Денеска македонската женска кадетска ракометна репрезентација триумфираше со резултат 31:28 против Фарски Острови на Европското првенство во Црна Гора во разигрувањето за пласман од 21 до 24 место.

Иако нашата селекција неколку пати во текот на мечот имаше негатива од осум голови разлика (17:10, 20:12) на крајот успеа да направи целосен пресврт и дојде до победата.

Најефикасна во македонската репрезентација на паркетот во Подгорица беше Ивана Трифуноска со 10 погодоци, а седум запиша Таида Беровиќ.

Избраничките на селекторот Даниела Новеска по денешниот триумф ќе играат за 21 позиција на ЕП.

В недела Македонија ќе игра против Турција или Романија за опстанок во елитната конкуренција.