Од претходно веќе беше објавено дека на Јувентус му се заканува со одземање на девет бодови бидејќи управата на „Старата дама“ од Торино направила финансиски малверзации со парите на клубот, но доаѓаат уште полоши вести за славниот клуб.

Федералниот апелационен суд на Италијанската фудбалска федерација (ФИГЦ) најпрвин одржа рочиште во врска со повторното отворање на случајот за измама во Јуве, а потоа донесе одлука Јувентус да биде казнет со одземање на 15 бода на овој шампионат.

Juventus have been given a 15 point penalty from Serie A’s FIGC Prosecutors.

The Federal Court of Appeals has accepted the request of the FIGC prosecutors to re-open the plusvalenza case that includes Juve and other clubs.

? via Sky Italia pic.twitter.com/bRIVbzkRhO

— Italian Football TV (@IFTVofficial) January 20, 2023

Се зголемија бараните казни за екс членовите на управата на тој гигант, па ќе бидат суспендирани од фудбалот: поранешниот директор Фабио Паратичи на две ипол години (обвинителите побараа 20 месеци и 10 дена), поранешниот претседател на Јуве, Андреа Ањели и поранешниот извршен директор Маурицио Аривабене по две години (побарани беа 16, односно 12 месеци), а поранешниот потпретседател Павел Недвед осум месеци.

Италијанските медиуми претходно објавија дека Ањели, Недвед, Паратичи, тројца членови на комерцијалниот оддел на Јувентус и околу 60 луѓе од 11 италијански клубови се под истрага под сомнение дека поднесувале лажни финансиски извештаи и манипулирале со трансферите на играчи. Во април, Судот на Фудбалската федерација на Италија ги ослободи осомничените од овие обвиненија, но сега, врз основа на нови докази, се бараше ново судење.

Судот ја потврди ослободителната пресуда за другите осум инволвирани клубови (Сампдорија, Про Верчели, Џенова, Парма, Пиза, Емполи, Новара и Пескара) и нивните директори и менаџери.