Групата „Баклава“ слави две децении музичко творештво со специјален концерт на „Скопско лето“. Препознатлива по својот автентичен акустичен звук, „Баклава“ ќе ја прошета својата публика низ богатиот и разновиден музички свет создаван во текот на нивната 20-годишна кариера.

Јубилејниот концерт на групата „Баклава“ ќе се одржи на 23 јуни, со почеток во 20:30 часот, во Куршумли ан.

На концертот ќе бидат изведени песни од сите пет албумски изданија: „Баклава“, „Калемар“, „Ме манкас мучо“, „IV“ и „За Скопје со љубов“, како музичко патување низ љубовта, традицијата и урбаниот ритам. Публиката ја очекува вечер исполнета со искрен израз, виртуозност и длабоки емоции.

Влезот ќе биде регулиран со влезници по цена од 500 денари, кои ќе се продаваат на влезот на Куршумли ан пред почетокот на настанот, известија од Дирекцијата за култура и уметност – Скопје.