Јавното претпријатие „Русино Полог“ кое управува со регионалната депонија Русино каде сите општини од полошкиот регион го депонираат сметот е во малку подобра финансиска кондиција.

Откако од претпријатието пред еден месец се пожалија дека општините кои го носат сметот во депонијата не ги плаќаат обврските кон јавното претпријатие, денеска Претседателот на центарот за полошки плански регион Билал Касами изјави дека само две општини му должат пари на Русино Полог.

„Остана само Општина Гостивар дел од долгот да го доплати како и Општина Желино. Општина Тетово и другите општини го расчистија долгот, сега треба да го расчистат долгот кои кон „Русино Полог“ го имаат јавните комунални претпријатија од полошките општини кои го депонираат сметот на депонијата. Се надевам дека следната година ќе биде подобра, оти согласно одлуката на Центарот за развој на полошкиот плански регион од 2023 година новата цена за депонирање на смет во Русино ќе биде 5 евра по тон, значи двојно поскапа, сега изнесува 2,5 евра. Значи по основ на депонирање на отпад ќе има повеќе пари, се надеваме дека ќе се подобри финансиската состојба на депонијата. Сега исто така се доставува повеќе индустрсики отпад, рече претседателот на Центарот за полошки плански регион Билал Касами.

Касами изјавата ја даде на редовната седница на Центарот за полошки плански регион, каде се разговараше за одредени проекти кои ќе се имплементираат од Швајцарската амбасада во полошкиот регион. На седницата се избра и нов претседател на Центарот за полошки плански регион, актуелниот градоначалник на Гостивар Арбен Таравави.

„Редоследно така сме се договориле по големина на општината да се бира претседател на Центарот за полошки плански регин, ротирачки се оди, по градоначалникот на Тетово, сега јас сум на ред да ги водам седниците на центарот, изјави Таравари.

Инаку после неколку децении, за прв пат депонијата „Русино“ каде полошките општини го депонираат сметот е уредена.Локацијата е заштитена од протекување на отпадни води, има чуварска служба, а сметот се покрива.

Пред еден месец директорот на ЈП „Русино Полог“, Бесим Догани изјави дека илјадниците тони отпад можат повторно да се појават, ако полошките општини не го платат долгот кон ЈП „Русино Полог“,

Регионалната депонија Русино пак ќе стане „дива“, ако полошките општини и натака не плаќаат за одржување