Српскиот кошаркарски клуб Црвена звезда соопшти дека денеска ја прекина соработката со досегашниот прв тренер, Владимир Јовановиќ.

Белградските „црвено-бели“ во најкус можен рок ќе ја информираат јавноста за именувањето на нов прв тренер.

Црвена звезда, која е актуелен шампион во АБА лигата, добро ја започна новата сезона во регионалното натпреварување, но ги разочара своите навивачи со изненадувачкиот пораз дома од хрватскиот Задар со 96:98 и моментно е на петтото место со девет бодови, три помалку од водечкиот Партизан.

Во Евролигата по седум кола се наоѓаат на последната 18 позиција со учинок од шест порази и само една победа.

На последниот евролигашки натпревар во Истанбул, Турција, пред три дена загубија од составот на Фенербаахче со 93:79. Во следното коло на 11 ноември на домашен терен ќе го пречекаат францускиот Лион-Вилербан.