Илија Јовановиќ е претеседател на Здружението „Градиме иднина“ од Скопје. Во моментов тој работи на проектот „Стоп против питачење и злоупотреба на децата и нивното здравје“. Јовановиќ во утринската емисија „Слободен печат“ на Слободна ТВ вели дека децата питачат, шефовите стојат од страна.

-Девојчињата почнуваат со питачење кога се мали, но потоа растат и на возраст од 12 до 14 години завршуваат како сексулани работнички. Во меѓувреме дуваат лепак и користат наркотични средства. Три деца се веќе починати од дување лепак и користење на различни дроги- вели Јовановиќ.

Според него девојчињата скоро секогаш  стануваат жртви на сексуално насилство.

-Девојчињата прво питачат, а потоа лесно навлегуваат во други води, стануваат дел од проституција. Последна тарифа е до 6.000 денари. Истите девојчиња се продаваат за половен или нов мобилен телефон, ако некој им даде и пари, тоа е плус. Кривично треба да одговараат и пазари кои продаваат лепак. Кога се под дејство на наркотични средства полесно се манипулира со нив- вели Јовановиќ.

Според него лепак дуваат деца од 3 до 15 години.

-Тие деца од 12 до 14 години даваат сексуални услуги на старци од 65 години. Како што веќе споменав, тарифата е околу 100 евра, но не ретко се продаваат и за 1.000 денари- вели Јовановиќ.

Целото интервју со Илија Јовановиќ погледнете го тука: